ඇස ගැටෙන සිත සනසන
ගඟනතත් රිදුමක් මට
අතීතය සිහි කරන
නෙතු තෙමන ළය දවන
මතකය කඳුලක්
ඔබෙන් ලැබුන
සනසන්නට විත් රිදවා ගිය
නුඹ සිහිනයක්
මගේ හිත පතන
මා දුටුව මා හඹාගිය
නුඹෙ සෙනෙහස මිරිඟුවක්
සසර මා රැවටුන
- දිනුෂිකා සමන්මලී
සිතුවිලි ගිමන් හරින ජීවිතයේ සොඳුරු නැවතුම........
Monday, June 25, 2018
Monday, June 18, 2018
නුඹ ඇයිද ආවේ 😢.....
හීන නැති හිත යට
හීන මාලිඟා තනන්න
සෙනෙහෙ නොව මිරිඟුව අරන්
ඇයිද ආවේ නුඹ
කාත් කවුරුත් නැති මට
මාවත් නැති කරන්න
සිනහ නොව කඳුළු අරන්
ඇයිද ආවේ නුඹ
නෙළුමක් මෙන් බැතිබර සිත
තලා පෙලා දමන්න
සැනසුම නොව රිදවුම ගෙන
ඇයිද ආවේ නුඹ
තනිකම පිරි මගෙ දිවියට
පාළුව තව අරගෙන
වෙන් වී යන්නට දවසක
ඇයිද ආවේ නුඹ
U.දිනුෂිකා සමන්මලී
2018.06.19
Tuesday, June 12, 2018
නුඹ න‌ොදුටීය කිසිවක්......
පැතුමන් හිත යට සැඟවී තිබුණා
නුඹ නෑ ඒ පැතුමන් දුටුවේ....
කඳුලැල් නෙතු අඟ බොද වී තිබුණා
නුඹ නෑ ඒ කඳුලැලි දුටුවේ....
මහමෙර සෙනෙහස මසිතේ තිබුණා
නුඹ නෑ ඒ සෙනෙහස දුටුවේ....
භවයෙන් භවයට මා නුඹ පැතුවා
හිමිනැති බව හිත නෑ පිළිගත්තේ....
-දිනුෂිකා සමන්මලී
2018/06/12
Wednesday, June 6, 2018
ආදරයේ උත්තරීතරම ප්‍රතිමූර්තිය වූ අම්මා...❤❤
හිරැට උණුසුම දිය හැකි මුත් ලොවටම
නුඹේ සෙනෙහෙ උණුසුම තරම් නැත උණුසුම.....
සඳුට සිසිලස කැන්දන්නට හැකිමුත් මිහිමතට
නුඹේ කරුණා සිසිලස මෙන් නැත සිසිල.....
මිනිස් ලොව කිසිවෙකුට උසුලන්නට නොහැකි
ලොව ඇති කර්කෂම වූ වේදනාව උසුලමින්....
මහමෙර මෙන් නොසැලුන මිහිමත ජීවය නුඹයි...
සිත් නිවන සොඳුරු කවිය ලොවටම නුඹයි....
නෙත් පිරිමදින ලොව පියකරුම රුව
නුඹයි.....
කිසිවෙකුට නොදෙවෙනි
නිර්මල වූ ආදරයේ
උත්තරීතරම ප්‍රතිමූර්තිය
අකුරු තුනකින් සනිටුහන් කරන
"අම්මා"......
- දිනුෂිකා සමන්මලී
2018/06/05
Friday, June 1, 2018
❤බලාපොරොත්තුව❤ මා ජීවිතේ සියල්ල නුඹ සමඟම බැදී...
කිසිවක් නොපෙනෙන , කිසිවෙකු ලග නොසිටින තිත්ත කළුවර රැයක ඈතින් නෙත ගැටෙන පුංචි පහන් ආලෝකයක් මගසලකුණ කර ඇවිද යන්නාක් මෙනි බලාපොරොත්තුවත් මා ජීවිතයට.... මා ගමනේ අවසානය රැදී ඇත්තේ නුඹ මතය....
බලාපොරොත්තුව මා නුඹට බෙහෙවින් ඇලුම් කරයි. මන්ද මා තනිවුනු සෑම විටම, මා අසරණ වූ සෑම විටම නුඹ මා අතැර නොගොස් ලගම රැදුනි. කොතරම් ගැහැට මැද වුවද මා යලි යලිත් අස්වැසීමට නුඹ සමත් විය....... ජීවිතය අතැර දැමීමට තරම් දේ සිදුවන විටත් නොසැලී තවත් වරක් උත්සාහ කරන්නැයි නුඹ මගෙන් ඉල්ලීය.....
අනේකව්ධ බාධක දුක් මැද මිනිසුන් ජීවිතයට බැද තබනුයේ බලාපොරොත්තු විසින් යැයි සිතේ. ඔවුන් කප්පරක් බලාපොරොත්තු හිස තබන් දුෂ්කර ගමනක් යති. ඇතැමෙක් ජීවිතය අතැර පලායන්න සිතනුයේද බලාපොරොත්තු බිදී ගිය විටය.....
මා ජීවිතේ සියල්ල බලාපොරොත්තුව නුඹ සමඟ ම බැදී ඇති ලෙසකි....
-දිනුෂිකා සමන්මලී
2018/06/02
Subscribe to:
Posts (Atom)
-
රටක දැයක පිටකොන්ද තරුණ පරපුරයි.තාරුණ්යභිමානයෙන් ඔද වැඩුනු සමාජය ප්රගතිශීලී සමාජයකි.ජාතික සංවර්ධනයේ පදනම තරුණ පරපු...
-
අපට ලැබෙන මිනිත්තුවකට ඇත්තේ තත්පර හැටයි.එම තත්පර හැට පවා ප්රයෝජනවත්ව කාර්යක්ෂම අයුරින් ක්රියාවට නැංවුවහොත් ජීවිතයහි ඇති අභියෝග බොහෝ ජයග... -
ආදරය ජීවිතයට තදින් කා වදින ඔසුවකි.මිනිස් චිත්ත සන්තානයේ ගැඹුරු තැන් පිරිමදින එය සිත් සැබැවින්ම සුවපත් කරයි. මලානිකව සුසු...